يوميات زوجة مجنونة ايمان شلبي
بغيظ اصطبحي يارقيه وقولي ياصبح وفكك من الجنان بتاعك ده
رقيه بضيق يووووه بقي ياباسم هو انت مش بتنخانق ليه !
باسم باستغراب نعم !
رقيه اووووف انا عايزه اعيش جو الافلام وازعل واروح عند اهلي وانت تفضل كام يوم من غيري وكل ما تدخل البيت تسرح في كل ركن وانت بتفتكرني وتحن وتشغل عمرو حسن وهو بيقول
ياورداية ف جبل روحي
يا أول شمس في الدنيا
يا شيء Well Done
يا Only One
يا زوجتي الأولى والتانية
وأجمل ضحكة في سنيني
وحشتيني
وبعدين بقي متقدرش علي بعدي وتروح تجيب بوكيه ورد من الكبير اللي مليان شوكليت ده بس حط شاورما بدل الشوكلت وتيجي تخبط علي باب اهلي وتقعد تقولي وحشتيني وبحبك وحياتي فاضيه من غيرك وانا بقي احن وارجعلك !
باسم وهو بيحط أيده علي جبينها انتي سخنه !
رقيه وسع كده وسع اروح اعمل اكل ده أنت زوج مثالي جدا
باسم وهو بيرفع رأسه لفوق يارب انا عملت ايه في دنيتي عشان يحصل معايا كده
رقيه من برا بصوت عالي تكفير ذنوب عملت ذنوب كتير في حياتك
باسم وهو بيهز رأسه باقتناع صح عندك حق كويس انك عارفه نفسك
عاااااااااا
باسم وهو بيتنفض بقلق من مكانه رقيه في ايه
يتبع
إيمان_شلبي
يوميات_زوجه_مجنونه
البارت_الثاني
خرج باسم وهو حاطط أيده علي قلبه من الړعب
وقف مكانه پصدمه وهو فاتح بوقه لما شاف رقيه واقفه تتنطط قدام التليفزيون وبتسقف زي الاطفال لما شافت توم وجيري شغال !
رقيه بفرحه تعالي ياباسم تعالي اتفرج معايا علي توم وجيري
باسم بذهول يعني وقعتي قلبي بين رجلي وفزعتيني عشان توم وجيري !
رقيه وهي بتبصله ببراءه اه طبعا ده توم وجيري
!
باسم بزعيق انتي مجنونه هو انا متجوز طفله ولا ايه ! ده الاطفال مش بتعمل زيك
رقيه أنا عملت ايه لكل ده يعني
باسم بضيق لا ولا حاجه حضريلي طفح عشان اشوف شغلي لما اشوف بوظتيلي قميص ايه المره ديه
رقيه بتوتر ل لا ا انا يعني مبوظتش حاجه واحده
باسم باستغراب غريبه يعني
رقيه م ماهو يعني ا اصل انا هقولك بص بص ادخل افتح الدولاب وانت هتعرف
باسم وهو بيبصلها بشك استر يارب عملتي مصېبه ايه
رقيه هتنبهر
دخل باسم وهو خاېف
رقيه وهي بتلف حوالين نفسها يارب يارب عديها علي خير ماهو مكانش ينفع برضو احط كل القمصان الالوان والابيض مع بعض في الغساله
رقييييييييه
رقيه وهي بتبلع ريقها پخوف سلم علي الشهداء اللي معاك
دقايق وجه باسم من الأوضه التانيه زي الطور الهايج وهو ماسك في أيده كل القمصان اللي اتحولت لألوان الطيف
رقيه وهي واقفه علي الكنبه انا هفهمك خليك هادي وانا هفهمك كل
باسم وهو بياخد نفس عميق وبيجز علي أسنانه انا هادي هادي خااالص سامعك
رقيه وهي بتبلع ريقها پخوف ا اصل اصل انا يعني
باسم بزعيق اصل ايه ! هتبرري تقوليلي ايه هتقولي انك غبيه ومتخلفه صبرت كتير عليكي قولت معلش لسه في أول الجواز بكره تعقل وتتعلم بكره تبقي ست بيت اكيد مش قصدها ټحرق الاكل ولا تبوظ الهدوم انما أنتي مش بتحسي مش بتتعلمي الناس
تتعلم من غلطها انما
أنتي تعملي الغلط بالعشرين مره وبرضو مش بتتعلمي البس ايه انا دلوقتي اروح الشغل ازاي انا ها قوليلي هروح ازاي
رقيه وهي بتبص علي القمصان بتفكير بصراحه كده في قميص مكانش عاجبني لونه ومكنتش بحبه عليك لما اتغسل
لونه عجبني اوي ممكن تروح بيه ايوه ايوه القميص الكحلي اللي في ايدك ده اللي بقي لونه ابيض في كحلي تصدق هتصدق أن شاء الله الابيض مع الكحلي عمل شغل عالي اوي
باسم بعصبيه وجنون انتي بتهزررري!
رقيه وهي بتتنفض لا والله مش بهزر وربنا شكله كده احلي
باسم وهو بيتنهد بضيق وبيبصلها من فوق لتحت بقرف ماهو لو انا واحد تاني كان زماني رنك علقھ علي غبائك بس انا مش زي حد ولا عمري هكون زي الرجاله اللي بتستقوي علي مراتها
رقيه صاحبي وكفاءه تشكر يارجوله
دخل باسم ولبس تيشرت نص كم وهو عمال يستغفر ربنا كل ما يشوفها لانه مش حابب يعمل تصرف يزعلها لانه وعد ربنا ميزعلهاش ووعد الحر دين
رقيه ايه ياحبيبي انت جاي تتوب عندي ولا ايه
باسم وهو بيلبس الشوذ بتاعه انا هغور في داهيه
رقيه بقولك ايه ما تاخدني معاك
باسم باستغراب وقرف اخدك معايا فين !
رقيه بحماس في داهيه اصل نفسي اروحها اوي ياخال
باسم وهو بيضرب كف فوق التاني وبيفتح باب الشقه عوض عليا عوض الصابرين يارب
رقيه وهي بتتنهد وبتقعد علي الكنبه وهي بتربع رجلها هو زعل بجد ولا ايه !
في الشغل وخاصه في نص اليوم كان قاعد باسم بيشتغل وميرا بتبصله بين اللحظه والتانيه بهيام
للحظه سرحت في اول مره جه هنا علي الشغل وشافته
كان لطيف اوي بعيونه الرمادي ورموشه اللي مزيناها بملامحه القمحيه اللي مزيناها لحيه بسيطه
جديته لباقته في الكلام ضحكته اللي بتخلي عيونه تقفل
اتنهدت ودموعها نازله علي خدها كانت تتمني لما قلبها يتفتح لشخص وتحبه هو كمان يحبها بدون اي مجهود منها
للحظه حقدت علي رقيه اللي كانت زميلتها في الشغل اللي في خلال شهرين حبها باسم وقرر يتجوزها هي من حقها اكتر من رقيه هي اللي شافته الاول هي اللي حبته هي اللي كانت تتمناله الرضا يرضا ليه يتجوز رقيه !
مع أنه لو فكر لحظه هيعرف ان مفيش حد ممكن يحبه
لو بس فتح قلبها هيلاقي نفسه قاعد ومربع
لو بس يعرف دموعها اللي بټغرق مخدتها كل ليله عشان غيرانه عليه من رقيه
لو بس يعرف قد ايه بتحبه !
مهواش سهل بأن البنت يوم تعشق ولو تعشق بتوهب روحها وحياتها وتتحمل وتتجمل عشان ميبصش في يوم بره خلاص عدي ودوس علي قلبي كام مره وعيد من
تاني في القاره
ميرررا
فاقت من شرودها علي صوت باسم اللي بينادي عليها من فتره وهي مش حاسه ولا سامعه
ميرا بتوتر ن نعم
باسم بقولك مالك بتبصيلي كده ليه ومش بتشتغلي
ميرا ووشها كله احمر م معلش سرحت شويه
باسم بجديه طب تمام كملي شغلك
ميرا وعيونها مليانه دموع ح حاضر
الفون بتاعه رن وكانت رقيه كالعاده
باسم وهو بيتنهد وبيرد عليها عملتي مصېبه ايه المره ديه !
رقيه نينينيني معملتش مصېبه ولا حاجه انا اتصلت اقولك اني نزلت
باسم نزلتي ! ونزلتي فين بقي أن شاء الله
رقيه بحماس نزلت اجبلك كام قميص بدل اللي بوظتهم
باسم وهو بيبتسم بهدوء طب مش كنتي تستني نجيبهم سوا !
رقيه بحرج ا انا اسفه متزعلش مني
باسم انا مش زعلان منك اصلا فداكي
رقيه يالهوي ياعبده يالهووووي
لو سمحتي يابنتي ممكن تساعديني
رقيه طب ثواني ياباسم خليك معايا
باسم بقلق اجري
رقيه ايه !
باسم بقولك اجري بسرعه من قدامها هتخطفك
رقيه وهي بتشهق پعنف وبتبعد عن الست نهار اسود عااااااااا
باسم پخوف وقلق رقيه في ايه انتي كويسه ردي عليا رقيه
رقيه وهي بتبص للست پشراسه يابنت الكللللب عااااااا الحقونااااااي ياناااااااس ياخلللللق الست ديه عايزه عايزه تحرم جوزي وقره عيني مني الحقونااااااي
الناس اتجمعت حواليها وهي واقفه تصرخ والست واقفه مذهوله من اللي بيحصل
واحد من الناس في ايه يابنتي مالك
رقيه پخوف ا الحقني ياعمو الحقني الست ديه عايزه
الراجل تخطفك ايه يابنتي الست ديه شكلها غلبانه
رقيه بذهول وحياه امك !
باسم وهو معاها علي الفون بزعيق انتي واقفه تتسايري خدي بعضك واخرجي بسرعه من المكان
رقيه بس
باسم بزعيق مبسش اعملي اللي بقولك عليه بسرعه
رقيه پخوف ح حاضر حاضر
في الشغل كان قاعد باسم وباين علي ملامحه القلق وهو حاطط الفون علي ودنه ورقيه بتجري من المكان وصوت نفسها واصل في ودانه
ميرا باستغراب باسم في ايه انت كويس !
باسم بجمود مفيش
رقيه وهي بتقف مره واحده مين العسل اللي بتسأل ديه !
باسم بلهفه خرجتي من المكان ولا لسه !
رقيه بضيق أه خرجت مين بقي السكر اللي بتسأل انت كويس ولا مش كويس ديه ما تيجي تحبك مكاني
باسم بعصبيه احنا في ايه ولا في ايه دلوقتي حالا حالااا تاخدي بعضك وعلي البيت وانا جاي لما
رقيه بتزمر انا معملتش حاجه
باسم وهو بيهبد علي المكتب لا انا اللى عملت اقفلي
قال جملته وهو بيقفل السكه في وشها ووشه بقي كله احمر وهو بيتنفس بسرعه
ميرا بقلق في ايه ياباسم !
باسم بعصبيه ما قولتلك مفيش انتي بتتدخلي ليه !
ميرا بدموع ا اسفه
قام باسم واخد الفون بتاعه وخرج يستأذن من المدير عشان يمشي
وصل باسم البيت وخبط باب الشقه
دقيقه التانيه التالته ورقيه مفتحتش الباب
باسم وهو بيخبط بقوه رقيه رقيييه افتحي رقيه افتحي بلاش شغل العيال ده مش هعملك حاجه رقيه أنا مش معايا المفاتيح افتحي متعصبنيش
وبرضو مفيش رد
خرج باسم الفون بتاعه وهو بيرن علي رقيه بقلق
سمع صوت الفون بتاعها بيرن جوا ومفيش رد
باسم بقلق رقيييه ردي يارقيه بلاش جنان افتحي والله مش هعملك حاجه مټخافيش رقيه
والغربيه برضو أنه مفيش رد
في حاجه يااستاذ باسم
ديه كانت جمله واحد من الجيران وهو طالع علي السلم وشايف باسم بيخبط بقلق
باسم محمد ا انت شوفت رقيه مراتي النهارده !
محمد ايوه كانت طالعه علي السلم من شويه وانا كنت نازل اشتري حاجات بس كان باين عليها تعبانه
باسم بقلق تعبانه يبقي اتخدرت
محمد باستغراب اتخدرت!
باسم محمد ساعدني نكسر الباب بسرعه
بعد شويه فتحوا الباب وباسم دخل علي جوا بأقصي سرعه
رقيه
قالها بقلق وخوف وهو شايف رقيه واقعه علي الارض
وشالها حطها علي السرير وهو بيضرب خدها برقه
رقيه رقيه حبيبتي ردي عليا رقيه
محمد احنا لازم نجيب دكتور
بعد شويه كان واقف الدكتور بيكشف علي رقيه اللي مكانتش حاسه بأي حاجه ولا اي حد حواليها
الدكتور بابتسامه الف مبروك
باسم باستغراب مبروك علي ايه !
الدكتور المدام حامل في الشهر الاول
باسم بفرحه انت بتتكلم جد !
الدكتور ههه والله انا دلوقتي عطيتها حقنه ودقائق وهتفوق والظاهر أن مناعتها ضعيفه اوي يعني متبذلش مجهود عشان لقدر الله
ميحصلش زي اللي حصل دلوقتي واتمني تشرفوني في
العياده عشان اكتب لها علاج تمشي عليه
باسم
بفرحه حاضر حاضر يادكتور شكرا
محمد وهو بيطبطب علي كتفه الف مبروك يا استاذ باسم
محمد متقولش كده عيب احنا اخوات يالا استأذن انا بقي لو احتاجت حاجه قولي
باسم تسلم ياصاحبي
ااااه ااه انا فين انتوا خطفتوني ياولاد الجزمه ااه ياخااااالي ياعووووض ودوني لجوووزي ااااه
باسم بلهفه رقيه رقيه حبيبتي انا هنا
رقيه وهي بتفتح عينيها بوهن وتعب ايه ده
انت اتخطفت معايا !
باسم بحنيه لا ياحبيبتي احنا في البيت
رقيه
ليه النهارده !
باسم برفعه حاجب النهارده بس !
رقيه وهي بتحاول تقوم هو ايه اللي حصل !
باسم وهو بيتنهد ولا حاجه انتي حامل
رقيه طب كويس مبرو ايه
