هل يرتاح الفؤاد يومًا خلود الحناوي كاملة
المحتويات
وترجعي كويسه مع اني مكنتش حتي اخدت اي حاجة في التصرف مع حالات الڼزيف بس حبي ليكي هو اللي حركني يا تقي
عرفتي بقا انا إيه وانتي ايه طيب بلاش انا وبلاش زين يونس ذنبه إيه دايما بيحبك وبيبن دا دايما بيتمني رضاك دايما عايزك جمبه بس انتي عملتي إيييه ردي عليا دايما مكرهاه في عيشته عيشتيه اسوأ سنتين في حياته نكد واتهام بالخيانه دانتي مارستي عليه هوايتك المفضله وزقيتي عليه البت اللي بعتيهاله الشغل علشان تجسي نبضه وتشوفي هيخونك ولا لأ دايما عندك عقدة الثق..
إيه انتي قولتي إيه
عيني وسعت من الصدمه دا مكنش صوتي ولا صوت منه بصيت ناحيه الطرف التالت اللي ظهر من العدم ووقتها حسيت ان كل دنيتي اڼهارت وكل حياتي اتهدت فوق دماغي..
عقلي مستوعبش اللي حصل مستحملتش اكون الشخص اللي دمر حياة الكل ورغم كل دا محاولتش اقاوم وادافع عن نفسي كانت نفس الغيمة السودة بتسحبني بعد كل مره كنت بعيط فيها بس اللي حصل اني معطيتهاش الفرصه فوقت نفسي بالعافيه وجريت من الشقه واللي فيها
مكنتش عارفه انا رايحه علي فين ولا إيه اللي هيحصل كل اللي عرفته ان العالم مبقاش مكان آمن اني اعيش فيه ولا حتي الناس دول اهلي
ضحكت علي تفكيري هو انا اصلا امتي كان عندي اهل
_ مش كفايه يا تقي
رديت عليه من غير ما ابصله مهو بقاله ست شهور بيزن عليا علشان ارجع تاني منساعه ما خرجت من المركز وهو مش عاتقني ودايما عايزني ارجع ليهم ارحع لمين لناس بتإذيني بحجه خوفهم عليا حتي لو بيحبوني انا كفايه عليا كدا فاض بيا
لا مش كفايه يا ابراهيم وبطل زن فوق دماغي علشان مسيبش الدنيا خالص متندمنيش اني جيتلك وحكيتلك كل حاجه
زعق فيا بصوت كان بيرعبني زمان طول عمري كنت بخاف من الصوت العالي قبل ما يعالجني ويخليني انسانه قويه مش اي حاجة تهزها
_ انا مش فاهم وجهة نظرك دايما كلامك بيبهرني حقيقة تسمحي تقوليلي ليه مبتواجهيش ليه مروحتيش وحكيتي ليهم كل حاجة ليه سيباهم كل دا وخدين عندك فكرة مش كويسه ليييه
ريح نفسك
بصيتله من فوق كتفي بنظره هو عارفها كويس اوي كانت نظرت انسانه اتظلمت من كل حاجة حتي منه ..رجعت بصيت للبحر وكملت
حتي انت ولا ناسي يا هيما انت كمان فكرتني بزقك علي منه علشان تبعدها عن زين ولا ناسي.. ابتسمت بجانبيه بسمة استهزاء وكملت.. انت كمان مسألتنيش اول لما زين اټخانق معاك وقالك انت بتسمع كلامها وبتزقك عليها تقوم زي النعجة ماشي وراها فاكر الجملة دي ساعتها انت جيت وخليتني قدام نفسي مذنبه مع ان اللي حصل كان صدفة بحته وانت السبب فيها افكرك ولا فاكر
سكتت وهو سكت فكملت بحرقه قلبي وسنين عڈاب ونظرات تقزز من طل اللي حوليا حتي زين!!
افكرك يا ابراهيم كانت ليلة امتحان الاناتومي ليلة باردة جدا وكنت وقتها تعبانه حتي مقدرتش اقوم من فوق السرير علشان اساعد نفسي واخد الدوا ساعتها اكتشفت ان ملخصاتي كلها عند منه من
آخر يوم ذاكرنا فيه سوا رنيت عليك علشان تروح تجيبهم وانت زعقتلي ورفضت علشان مكنتش فتحت المادة ولا تعرف فيها حاجة وقتها بلعت اھانتك وكلمت زين يجيبهم مكنتش عايزاه يقرب منها دي حقيقة بس دا كان علشانها علشان مكنتش عيزاها تبني اوهام علي افكار في دماغها من ناحيته وهو مش شايفها اصلا بس هو لو كان صارحني انه كمان معجب بيها كنت وقتها رحت معاه نطلبها من باباها بس هو خبى عليا
فكرته ممكن يكون مش منجذب ليها وحد تاني في باله انا مكنتش انانيه علي فكره انا اكتر حد بيحس بمراره الخزلان والوحده واكيد مكنتش هتمني لاعز الناس علي قلبي انه يعيش وحيد وانا السبب في بعده عن حبه وقتها بقا زين قالي ماشي بس عنده شغل فممكن يتأخر شويه ووقتها لما هو نزل ووصل هناك طنت حضرتك روحت تاخد منها الملازم من غير ما ترجعلي ولا تعرفني انك رايح ساعتها زين شافكو وانتو واقفين مع بعض وحصل اللي حصل
_ ها يا ابراهيم عرفت حاجه
لا يا زين لسه معرفش مكانها هي بصراحه كانت عندي في شاليه اسكندريه من كام يوم بس لما روحت لها النهاردة ملقيتهاش
_ إيييه.. كانت عندك وطالما عندك كل دا يبني ادم ومقولتش ليهه انت طول عمرك هتكون ۏسخ كدا
اخرس بقا يا زين اخرس بقا طالما متعرفش حاجه ومصدق نفسك يبقي تخرس ومتجيش تعاتبني وانت كلك اخطاء مكنش ينفع اقولك علي مكانها في الشهور اللي فاتت لانها كانت محجوزه في مركز للعلاج النفسي واعادة التأهيل الشامل عارف يعني إيه.. تقي كانت مريضه اكتئاب سريري ومش بتتحرك من مكانها ولما خرجت اترجتني معرفش حد كنت بضغط عليها ترجع بس الظاهر ان بقي الضغط مبيجيبش نتيجه!! علاجي ليها نجح لابعد حد ولو هتعيش بعيد عني بس كويسه انا راضي يا زين
_ انت مصدق نفسك انت عارف انت بتقول إييييه يعني إيه كل دا يحصل وانا معرفش دنا اقرب منها لنفسها ان..
كنت.. كنت اقرب منها لنفسها قبل ما تشك فيها وتحملها ذنب هي ملهاش علاقه بيه!!
اټصدم من اللي سمعه منا حكيتله كل حاجه وهو مسمعش الحقيقة لوحده منه كمان عرفت كل حاجه ووقتها تأكدوا انهم خسروا كل حاجه وكل فرصه ممكن ترجعها تاني تثق فيهم وتعاملهم علي انهم اهلها زي منا فقدتها كدا بالظبط
متوقفتش الحقايق لحد زين ومنه بس يونس جوزها كمان عرف لا هو جوزها بجد مهو ردها بعد اسبوع من طلاقهم ولما كان رايحلها بعد شهرين كان جاي يعرفها ويرجعها البيت ولما سمع كلام منه معاها كان جاي يحاول تاني برضو بس خصل اللي حصل ومنه عكيتها اكتر
ابراهيم موفاش بوعده لتقي شاف انه لو كتم السر قلوب كتير هتتإذي وعلاقات قديمه هتنهار علشان كدا قابل يونس وعرفه كل حاجه عرفه ان تقى مزقيتش عليه حد وإن البنت اللي كانت معاه دي هي اللي هددت تقي انها تبعد عنه وتطلب الطلاق ولما شافتهم في المكتب مع بعض كانت رايحه تحكيله لاول مره حاجه تحصل معاها كانت هتثق فيه وتجري عليه
هي فين يا ابراهيم لو سمحت قولي انا لازم اروحلها
_ صدقني معرفش كل اللي اعرفه انها سابت الشاليه من اسبوعين كان ليا علاقات مع صحابي في الامن اتواصلت معاهم علشان اشوف لو خرجت برا البلد بس كان الرد لا
هتكون راحت فين يعني ملهاش حد اهلها كلهم متعرفهومش حتي الست اللي كانت عايشه معاها اټوفت هتكون راحت في..
بس انا عرفت
_ بجد طيب استني خدني معاك
لا خليك انا لازم اروح لها لوحدي كلام كتير لازم يتحكي وحاجات اكتر لازم توضح
_ وبس كدا يا ماما دا اللي حصل انا دلوقتي مبسوطه عايشة في المكان اللي طول عمري بحلم بيه بعيد عن الدنيا بس متقلقيش لسه بشتغل وبعتمد علي نفسي بس خسړت شغلي الاساسي شغلي اللي حاربت الدنيا كلها علشان اوصله ببساطه سيبته لالالا مش زعلانه والله اصل مجتش عليه يعني مكله بيروح كل حاجه ليها عمر افتراضي وبتختفي من حياتنا وهو جه وقته وانا سمحتله يروح بطيب خاطر والله
تقى
لتاني مره صوته مش بيكون اكتر من ناقوس خطړ في دماغي وجوده هنا ملهوش غير معني واحد وانا مجرؤش اني افكر حتي فيه!!
لفيت ليه وانا بحارب نفسي انها متنهارش قدامه وبستدعي كل ذرة ثبات وكل سيكشن اتعلمته في كورس التأهيل والحمد لله نجحت
_ يونس خير.. إي رياح اتت بك الي
كنت بتكلم ببرود وانا مربعه ايدي بخفي توتري بضغطي علي كف ايدي جامد
جيت علشان اوضح حاجات كتير اوي والمرره دي مش همشي إلا لما تسمعيني
_ وبأي عين جاي تتكلم معايا وبأي حق هسمعك انت مش قولت
متابعة القراءة
