كله بالحلال أمل نصر
المحتويات
فيها شيئا ما يفيدها في مهمتها وكانت المفاجأة حينما وجدته اضاف منشورا لصفخته يعبر فيها عن سعادته بكسب مبارة التنس التي قام بها اليوم بعد فترة من الانقطاع للتنهال عليه المباركات والتهنئة من عدد هائل من أصدقائه شباب وفتيات له شعبية لا يستهان بها وهذا ما بدا جليا من عدد التفاعل
مرت بعيناها تقرأ بتركيز شديد ما كتب من أصدقائه الشباب من ثناء في موهبته الفذة وممازاحات معه كان يجيب عليها بخفة ظله وبلباقة يجيدها في الرد على الفتيات المائعات والاتي لا تخجل من وصف حسن هيئته الرياضية وتناسق جسده العضلي حتى في جمل عابرة كالتهنئة اللعڼة لا عجب إذن من افعاله ان كن يتهافتن عليه بخفة تقارب البجاحة في التعبير عن إعجابهن به على الملأ دون حياء او مراعاة لأي شيء.
عضت على طرف ابهامها بتفكير عميق تريد لفت نظره اليها او حتى تذكيره بلقاءه معها صباحا تقسم انه تناسى وسط هذا الزحام اسمها نفسه لابد انه منشغل الان بالحديث على الخاص مع احداهن او ربما اكثر تخمن هذا بعقلها بل وتجزم ذلك فهذا امر طبيعي.
اقتربت لتضغط على احرف اللوح الإلكتروني تصنع تعليق مقتضب مبروك كتبت ثم عادت برأسها
تتمنى أن يراه أو يعرف هويتها.
ولا تعلم ان في هذه الثواني القليلة دخل على الفور على حسابها فور ان شد انتباهه كلمة التهنئة القليلة لهذا الحساب الجديد عليه والمقيد باسمها ولكن بصورة مميزة بسمة انا وصورة الغلاف على هيئة قطة جميلة ليدخل عرض المعلومات عنها فعرف بهويتها ليبتسم بعرض وجهه متذكرا الفتاة الشقية صديقة شقيقته التي التقاها في الصباح ليتابع الفضول ويدخل في معرض الصور الخاصة بها فيجد صورا عديدة لها مع أصدقائها ولها وحدها في عدة مناسبات.
استغل ليتأملها جيدا جميلة وذكية وشقية هذا أكثر ما اثار انتباهه نوعه المفضل والذي دائما ما يثير الشغف داخله لاستكشافه مدامت والدته قد حذرت ورفضت من البداية فكرة الزواج بها بمجرد ان خطرت له الفكرة اذن ما المانع في خوض المغامراة في التقرب اليها
على الفور بعث الرد عل تعليقها على منشوره في رد التهنئة بالجملة الروتينيه قبل أن يجفلها بدخوله لها على الخاص برسالة نصية
كنت عايز المباركة وجها لوجه بعد ما اخلص الماتش مش تيجي في منشور علني وبكلمة واحدة طب زودي عليها شوية ولا انتي بخيلة حتى في الكلام
من محلها شهقت فاغرة فاهاها بعدم تصديق لا تستوعب انه استجاب ليفعلها ليتخذ هو وضع المبادر رفعت بكفها على جبهتها تحاول التمالك والبحث عن رد مناسب لهذا الداهية المقتحم لمجرد فقط تعليق بسيط منها ولكنه فجأها بالرسالة التاليه
الوو بسمة انتي روحتي فين يا بنت
ېخرب بيت عقلك يا مچنون طب سيبني استوعب الاول.
دمدمت بالكلمات واصابعها المرتشعة ټضرب على لوح الكتابة بتوتر
طب وانت اش عارفك اني بسمة
خاڼها ذكائها بالرسالة الغبية كنتيجة طبيعبة لاضطرابها في استجابته السريعة لتجده على الفور باعثا لها بوجه ضاحك وخلفة مرسلا
قلبي اللي قالي وقلب المؤمن دليله
ضحكت بسعادة محلقة وقلبها تزداد ضرباته حتى أصبحت تلهث من فرط بهجتها لتبعث له
يعني من أولها كدة تريقة طب افرض اني غلبانة وعلى نياتي خلاص كدة اخد على دماغي
لو كانت معه في نفس الغرفة لكانت سمعت ضحكاته التي جلجلت بصخب ليلعق ردا عليها بمكر وقد راقه مشاكستها
يعني انتي بجد على نياتك يا بسمة وجه بغمزة
لم ينتظر كثيرا حتى بعثت له
السؤال مينفعش انا اللي اجاوب عليه السؤال ده انت تحكم عليه بنفسك
لما تعاشرني او تتعرف عليا أكتر.
حلو اوي
علق بها وقد ازداد الحماس والشغف داخله لكشف اغور هذه الشقية فعلق مرسلا لها كبداية لفتح حديث مطول
طب ما تعرفيني على نفسك اكتر بقى وخليني اسألك كدة من البداية انتي في كلية ايه بقى
رأت الرسالة من محلها لتضع كف يدها على جبهتها تتحسسها الا تكون مريضة وتهذي قبل أن تتمالك وتهدئ من دقات قلبها الصاخبة مرسلة له
انا كلية اداب يا عم الرياضي دخلتها عن رغبة حقيقة مني رغم اني مجموعي ساعتها كان يدخلني أعلى الكليات
ارسل لها.
واووو واضح كدة اني بكلم دماغ شغالة مش أي كلام اهلا بيكي يا بسمة
قالها ليليها العديد من الأسئلة والأجوبة والأحاديث الكثيرة في مواضيع شتى طالت من الوقت ولم يشعر كلاهما بالملل لتكن البداية
في اليوم التالي
تزينت ليلى وارتدت احلى الملابس لتبدوا في أزهى صورها لقد كانت تنظر لهيئتها في المراة راضية كل الرضا فهذا التأنق لا تفعله الا في اندر الأوقات وأسعدها ترجو أن يكون كذلك.
تحركت تستل حقيبتها وتعلقها على كتف ذراعها بعد ان وضعت متعلقاتها ورفعت هاتفها لتبعث برسالة لرفيقتها تخبرها عن قرب خروجها من المنزل.
رايحة فين يا ليلى
هتفت والدتها بالسؤال توقفها من نصف المسافه في الصالة لتجبر كي تلتف لها وتجيبها على عجالة
طالعة خروجة مع واحدة صاحبتي يا ماما ومش هتأخر بإذن الله عن اذنك.
استني يا بنت.
صاحت منار حازمة بصوت مشتد جعلها تنتبه لها وقد
بدا وجهها متجهم بهيئة تعلمها جيدا لتغمغم داخلها بقلق من القادم
يا ساتر يا رب الخلقة دي انا عارفاها يا ترى فيه إيه
تحركت منار بتأني لتجلس على أحد مقاعد تشير لها بأمر
اقعدي يا بنت خليني اتكلم معاكي الأول وبعدها غوري في ستين داهية حتى .
دمدمت باستياء قبل أن تجلس مزعنة لأمرها
اعوذ بالله هي حصلت للداهية كمان في ايه يا ماما هو انتي مخڼوقة دايما مني كدة ليه
ردت تخرج ما في جعبتها من ڠضب
عشان غبية ومخك فيه جزمة قديمة وعشان تبقي عارفة بس انا اللي خلاني اسكت عن معاملتك الزفت لابن خالتك امبارح هو وجود عزيز اللي كان بيلم كعادته الهبل اللي كنتي بتبرطمي بيه عن العربية وزوقها الاوفر ولا لونها اللي مش عاجبك هو انتي تعرفي تمنها كام دي يا هبلة عشان تطلعي العيوب فيها بقلب جامد كدة دا بدل ما تقدري انه جاي مخصوص عشان يفرجك عليها.
خرج رد ليلى بعد ان استمعت باستفاضة وقد فاض بها
وانا مالي بتمنها انا بقول رأيي مش هو عامل فيها الحلو اللي بيجيب بس الحاجات الماركة طب اهي غالية بس وحشة ودا رأيي ومش هغيره ولا حتى هجامل بالكدب بس .
يا بت ال......
قطعت منار حتى لا تتلفظ بسبة وقحة فهذه الحمقاء دائما ما تغلب عندها عن التفكير بتعقل وهذا أكثر ما كان يزعجها بشخصيتها منذ الصغر ولكن لابأس.
ماشي يا ليلى سيبينا بقى من موضوع العربية وخلينا في الحاجة الأهم.
هي ايه الحاجة الأهم
مين اللي كانت قاعدة معاكم امبارح انتي واخوكي على نفس الطراببيزة في النادي
هاا
خرجت منها بتفاجئ وقد باغتتها والدتها بالسؤال والتي تابعت مشددة
ايه هو اللي ها الكلام ده وصلني من واحدة صاحبتي كانت فاكرة ان ابني خطب قوليلي كدة يا حلوة مين دي اللي كانت قاعدة معاكم والناس افتكرتها خطيبة اخوكي .
الفصل الثامن
تجمدت تطالعها صامتة وعقلها تشتت ما بين التفكير عن حل سريع حتى تخرج لميعادها المتفق عليه وما بين الحيرة في اخبارها الحقيقة في الرد عن سؤالها او الكذب عليها في موضوع حضور بسمة معهم جلسة الأمس في النادي والتي شددت عليها أيضا بعدم ذكر اسمها لا تدري لما هذه الحيرة التي يضعنها بها الاثنتان والمهم الان هو بماذا ترد ان كذبت على والدتها ربما تحاسبها ان اكتشفت بعد ذلك كڈب روايتها وان قالت الحقيقة ربما تفسد على بسمه خطتها من البداية.
ما تردي يا زفتة هو السؤال محتاج تفكير اوي كدة
اجفلتها الصيحة الحازمة منها ليخرج ردها بانفعال مفتعل
ما هو انا كمان مضايقني امر التحقيق ده اللي فاتحاه معايا وانا متأخرة اساسا على ميعادي انا مش عارفة والله واحدة قابلناها بالصدفة وجات سلمت علينا يبقى خلاص بقى الستات اصحابك يعمولوا فيها موضوع كبير وحكاية ورواية نفسي افهم هي ايه غايتهم في معرفة اسم البنت اللي كانت معانا ولا اكمنها حلوة يبقى عايزين يشوفوا ايه صلتلك بيها وان كانت متاحة ولا عزيز على علاقة بيها اسلوب رخيص اقل رد عليه هو التجاهل عن إذنك يا ماما انا معنديش مرارة للك والعجن بتاعهم.
نهضت تكمل محاضرتها دون الاكتراث بالذهول اللذي ارتسم على ملامح منار حتى لا تعطيها فرصة لوقفها
انا ماشية
يا ماما وياريت تبلغيهم لو ليهم غرض لبنت الناس يدورا ويسألوا بنفسيهم مش يلفوا علينا بأساليب ملتوية سلام يا ماما وتبقي تبلغي تحياتي لهم
استفاقت منار لتنهض وتتبعها
استني يا بنت انا لسة اديتك الإذن.
بقولها الاخير كانت ليلى تصفق الباب الخارجي لتسرع بالهروب منها تعلم انها تستطيع المعرفة بنفسها اذا دققت البحث او بسؤال عزيز نفسه ولكن هذا سوف يعتمد في رده على صدق نواياه اما هي فقد أوفت بوعدها مع صديقتها بعدم ذكر اسمها امام منار
بعد قليل
وصلت الى محطتها في اللقاء مع بسمة والتي كانت تنتظرها بجوار محل الكافيه المتفق عليه لتتلقفها فور خروجها من سيارة الأجرة
اخيرا جيتي يا زفتة انتي نص ساعة في الشمس لما اتحمصت فيها .
تبسمت ليلى تعقب على قولها بتفكه
وما لوا يا بسوم واهو تبقي خدتي لون جديد دا عزيز هيفرح قوي لما يلاقيكي متجددة وكل يوم بلون.
وكان الرد من الأخرى هو لكزة قوية بمرفقها على خصرها تأوهت بها ليلى بخفة قبل ان تجيبها بجدية وهي تدلف خلفها لداخل المحل
امي ابتدت تعمل تحرياتها وقرشانات النادي قالولها ان كان في بنت حلوة قاعدة مع عزيز وهي بقى كانت مصممة تعرف مني اسم البنت.
ردت بسمة بقلق وهي تسحب كرسي امام الطاولة التي حجزتها سابقا لتجلس عليه
وانتي كان ردك ايه أوعي تكوني قولتلها على اسمي
وضعت ليلى حقيبتها اعلى الطاولة بعد ان اتخذت مقعدها جيدا
بصراحة انا احترت اجاوبها بإيه روحت متهربة وعاملة تمثلية خايبة عليها بس هي في كل الأحوال هتعرف دي ماما وانا عارفاها دا غير كمان انها ممكن تسأل عزيز بنفسه ويقولها.
تفتكري
صدرت منها بتساؤل أجابت عليه ليلى بسؤال مضاد
من غير ما افتكر افرضي انه حصل دا هيعقد الدنيا معاكي بقى ولا يوقفها من البداية بصراحة الافكار دي كانت بتدور في راسي من ساعة ما خرجت من البيت اصل انتي مشددة اوي في عدم معرفتها.
ردت تجيبها بحالة من الشرود
مش عارفة بصراحة اخمن باللي ممكن يحصل بس انا كل اللي مركزة عليه حاليا هي ان اخد فرصتي مع عزيز بدون تدخل منها انا عارفة بحجم سيطرتها عليكم حتى مع عزيز وبرغم قوة شخصيته لكن مامتك زكية وبتعرف تدخله من مناطق مؤثرة تخليه يقتنع بوجهة نظرها بدليل رانيا دي ولا حبها ولا كانت مناسبة له من الأساس بس هي عرفت تلفه وتقنعه بيها .
ايوى قبل احنا ما نبوظ عليها الدنيا .
قالتها ليلى بمزاح اثار ابتسامة ضعيفة على ثغر الأخرى والتي تابعت موضحة
ايوة يا حلوة بس برضوا الدنيا مش مضمونة دي ممكن بسهولة اوي تلاقي غيرها مدام ليها سكك مع اخوكي في الإقناع
باستفهام بدا جليا على ملامحها خرج السؤال من ليلى
طب وانتي ايه اخبارك بقى معاه عرفتي تظبطيه كدة بقى مع حوار امبارح اللي كان ع الشات ولا هو اللي ظبطك
لا طبعا هو اللي ظبطتني!
قالتها بسمة بإقرار لتتابع وابتسامة لاحت على ملامحها بإشراق
اخوكي دا بلوة مسيحة عامل كدة زي الأكلة الحراقة تبقى عارفة انها ھتحرق معدتك وتتعب قلبك كمان ومع ذلك بتمستعي بالأكل فيها
قالتها بحالمية لفتت نظر الأخرى لتسطرد بعدها .
دا غير كمان فرق الخبرة ما بينا هو باشا كبير في عالم العلاقات وانا يدوب زقيت دماغي كدة بكام سنتي عشان اكتشف العالم ده هتصدقيني لو قولتلك ان مش ندمانة على الكام علاقة الخايبة اللي مريت بيهم وقت التوهة اللي كانت صايباني في الكام سنة اللي فاتوا قبل ما احدد هدفي واعرف ان لا يمكن ابقى لحد تاني غير عزيز.
ذوت ليلى ما بين حاجبيها لتردد بتعجب
يا نهار اسود دا احنا بنقول توبنا خلاص ويا حيطة دارينا!
عقبت على قولها باقتناع تام
يا بنتي افهمي بقى انا قصدي خدت فكرة عن تفكير الرجالة والسيم اللي بيرموه احيانا وسط الكلام عشان يعرفوا شخصية البنت.....
توقفت لتخرج تنهيدة معبأة بمشاعر تموج داخلها بصخب
بس تعرفي يا ليلى انا طول الليل امبارح سهرانة ولا قادرة انام كل شوية اعيد في قراية الرسايل اللي كانت ما بينا
بس دا تعب وۏجع قلب يا حبيبتي دا غير انه مش مضمون لأنه ببساطة جدا ممكن يكون بيتسلى بيكي انا اسفة طبعا في اللي بقوله.
قالتها ليلى لتفاجأ بابتسامة ساخرة على وجه الأخرى ترد
طب ما انا عارفة من الاول ان دي نيته بس برضوا عندي رغبة كبيرة ان اخوض التجربة حتى لو هينوبني من وراها چرح لو لا قدر الله ما نجحتش بس ع الاقل هقدر اعيش بعدها بعد ما اشيله
من فكري .
تأملتها ليلى بمزيد من الدهشة تستغرب هذا الضعف وهذا المنطق الغريب منها فلم تقوى على كبت تعليقها المباشر
ياريت تجربتك تنجح يا بسمة لأن بصراحة مضمنش ابدا نتيجة الفشل عليكي ولا مقتنعة ابدا بالسهولة اللي بتتكلمي بيها دي .
رفضت بسمة الاستسلام لتوترها لو صدق ما تتحدث به ليلى لتنفض رأسها على الفور تجلي رأسها من أي افكار سوداء قد تؤثر على عزيمتها عما تنتوي فعله وحماسها للقادم لتتناول هاتفها مغيرة دفت الحديث
طب بقولك ايه احنا خلينا دلوقتي في اللي جاين عشانه النهاردة ممدوح زمانه في الطريق على وصول انا اتصلت بيه وقولتله اني خارج البيت قاعدة مع صحبتي ولو عايزني يجيني على هنا.
ردت بتوتر وأعينها تطوف على الأنحاء حولها
معقول طب يجي بحجة ايه اوعي تكوني قولتيلوا اني موجودة
ضحكت بسمة حتى ظهرت اسنانها البيضاء لتردد خلفها بمشاكسة
ېخرب بيت عقلك طب يعني لو مقولتش هو هجيني على اساس إيه ما انا مرزوعة معاه طول اليوم في البيت هيرضى يقابلني في الكافيه ليه بقى حبيبته مثلا
رفرت ليلى عدة مرات بأهدابها والكلمة تداعب عقلها لتصنع عالم بخيالها يغمره المرح أن تكون هي حبيبته يالها من كلمة رائعة.
طرقعت بسمة بأصابعها أمام وجهها لتنزعها من شرودها متابعة
عايزاكي تطمني يا حلوة انا بجيب اسمك بذكاء وسط الكلام وكأني مش قاصدة يعني انتي لا تعرفي بمجيته ولا نيلة ياريت بقى تثبتي كدة وتبيني انك متفاجئة بحضوره.
اومأت ليلى رأسها بتفهم ثم ما لبنت ان تسألها بقلق وكأنها توجه الخطاب لنفسها
وانتي تضمني منين انه يجي ما يمكن ما يعبرش اساسا ويكون مشغول.... دا ايه التوتر ده
وكان رد بسمة الضحك بمرح دون توقف لتزيد على توترها وغيظها منها.
ابو شكلك بجد
وعودة الى منار التي لم تهدأ ابدا منذ خروح ابنتها هاربة من الرد على سؤالها وكأن الملعۏنة بافتعالها المسرحية الهزلية قاصدة بتشتيتها عن غرضها الاساسي في معرفة اسم البنت والتي علمت انها رافقتها حتى كانت مشجعة لابنها في مدرجات الجمهور اثناء خوضه لمبارة التنس.
تفعل أعمالها الروتينية في المنزل وعقلها لا ينفك عن التفكير تريد أن يسير كل شيء تحت بصرها وبعلمها لذلك لم تتردد ابدا حينما أتي عائدا الى المنزل بعد انتهاء موعد عمله أن تدلف اليه الغرفة لتستطلع منه الأمر
حبيب مامي حمد الله ع السلامة.
رد يجيبها ويداه مشغولتان في خلع سترته ثم الجلوس لخلع الحذاء
الله يسلمك يا قلبي ياريت بقى يكون الغدا جاهز انا جاي من الشغل ھموت من الجوع.
سلامتك يا قلبي من المۏت بعد الشړ عليك كله جاهز وفي ثانية اسخنه ع الميكرويف بس انا كنت عايزة اباركلك على ماتش امبارح دا كل صحابي جايبين في سيرتك مستخصرين انك مضيع موهبتك وهاجر اللعبة انت حقك تاخد بطولة الجمهورية.
قهقه معقبا بتقليل
اصحابك دول بيهولوا والله يا مامي انا فين وبطولة الجمهورية فين انا راجل بلعبها هواية ساعة ما يجيني مزاجي لكن البطولات والمسابقات دي عايزة ناس متفرغة وملتزمة انا مليش في الالتزام يا ست الكل انا واحد ماشي بمزاجي.
اه يعني انت كان مزاجك رايق امبارح عشان كدة عملت الماتش بضمير ولعلعت.
قالتها بمغزى لم يصل اليه فقد كان غافلا عن عينيها التي التمعت بتخمين سريع جعلها تسأله مباشرة
عزيز هي مين البت الحلوة اللي كانت بتشجعك في المدرج جمب اختك امبارح دي باينها جامدة اوي انها تخلي مزاجك في العالي كدة عشان تظهر لها مواهبك
أجفل ليستدير اليها بعد أن كان متوجها لخزانة ملابسه باستدراك متأخر للفخ الذي نصبته له والدته وقد اسهب في الحديث معها بعدم انتباه
أخفى اضطرابه ليجيبها بمزاح يدعيه
ايه يا ست الكل انتي بتحققي معايا ولا ايه دي واحدة صاحبة اختي شوفتها بالصدفة معاها في النادي يعني عيلة هبلة قدها دخلت المدرج تشجع زي كل البنات عادي خالص يعني!.
رسمت منار على ثغرها ابتسامة صفراء تدعي إقتناع لم يصدقه عزيز لتتابع بعدها بالسؤال
بس اختك مش عيلة يا روح قلبي ولا اصحابها عيال كمان ع العموم عادي يعني المهم بقى هي اسمها ايه صاحبة اختك اللي بتقول عليها عيلة دي يمكن اكون عارفاها.
لا يعني.... متهيألي متعرفيهاش لاني بصراحة دي اول مرة اشوفها..... عن اذنك بقى يا ست الكل اللحق اروح استحمي على ما سختني الاكل
قالها يلتقط منشفته ثم تحرك على الفور نحو وجهته إلى المرحاض تاركا منار متسمرة محلها بتفكير عميق لم تصدق إجابته وهذا الارتباك المفاجئ برد فعله مهما حاول إخفاءه زادها توجسا وريبة
أما هو فلم يدري لم كان رده بالكذب عليها ربما لمعرفته مقدما برأيها في بسمة أو ربما لم يرد فرض سيطرتها عليه في أمر كهذا هو قدد حدد هدفه من البداية
بقضاء وقت جميل مع الفتاة التي أثارت اهتمامه برودوها ليلة أمس.
لطالما اطاع والدته في انتقاء الفتاة المناسبة للزواج إذن لا يحق لها بمعرفة الاسرار الأخرى عن عبثه ولهوه
هذا ما أقنع به نفسه.
عودة الى الفتيات
حيث دلف ممدوح يبحث بعيناه داخل الكافيه المشهور بمنطتقهم بعد ان أخبرته شقيقته بقضاء وقت ممتع مع صديقتها العائدة بقوة هذه الأيام لحيز تفكيره بعد أن اشعلته بسمة بتصريحها عن وجود شبه قبول من ليلى نحوه لتحيي به امنية قديمة قد وأدها في مهدها منذ فترة انقاطعها عن زيارتهم بتفرق الصديقتين واتجاه كل واحدة في مجالها الدراسي لمدة تقترب من العامين وهي فترة كافية لأن ينسى بها المرء أي شيء طالما لا يوجد وعود او حتى بذرة أمل صغيرة.
ممدوح جه يا ليلى.
قالتها بسمة بعد أن أبصرته قادما لتفاجأ بسعال مفاجئ من الأخرى حتى بصقت من فمها العصير الذي بالصدفة كانت ترتشف منه ليسقط على بلوزتها الخفيفة في الأعلى مخلفا بقعة كبيرة من اللون الأصفر على القماش الأبيض لتشهق بسمة بدورها مرددة
ېخرب بيتك ايه اللي هببتيه ده بقعتي البلوزة.
ما انتي اللي خضتيني وانا بشرب العصير
صدرت من ليلى ويدها تلتقط في المحارم تجفف على قدر ما تستطيع حتى نوت ان تكمل داخل المرحاض لتنهض فجأة امام استغراب بسمة التي تلجمت مع وصول شقيقها ليفاجأ الأخرى التي بمجرد ان استدارت وجدته أمامها.
السلام عليكم انسة ليلى
تجمدت عن الرد بوجه مخطۏف تنقل بأنظارها كالفأر الذي علق بمصيدة بمشهد كاد أن يضحك بسمة لولا انها استدركت فجأة لتلملم الموقف بتصرف ذكي.
ممدوح اخويا انت من امتى هنا
رد يجيبها باستغراب وعينيه لا تفارق ليلى
انا داخل دلوقتي حالا لكن هي مالها مبتردش ليه
قالها بمعزى نحو ليلى التي ما زالت على جمودها للتكلف بسمة بالرد
معلش اصل انا كنت بهزر معاها وهي بتشرب العصير راح اتدلق جزء منه عليها انا اسفة يا ليلى سامحيني.
تلقفت قولها لتردف به كحجة تخفي بها حرجها
ايوة صح هي اللي دلقته عليا وخلت منظري زباله قدام الناس وقدامك دلوقتي يرضيك يا ممدوح.
لا طبعا ما يرضنيش.
قالها پغضب حقيقي ينقل بنظرة لائمة نحو شقيقته ليخاطبها بلوم
مش هتبطلي بقى عمايلك دي واستهبالك حتى قدام الناس انا اسف جدا يا انسة ليلى.
يا لهوي على آنسة اللي طالعة من بقك زي العسل اموت انا واعيد السنة.
رددت بالكلمات داخلها وقلبها يتراقص طربا لقوله وحمائيته عليها مما تسببت فيه شقيقته برعونتها لها ليزيد بتناوله العديد من المحارم يعطيهم لها ثم توجه بوجه عابس نحو بسمة يأمرها
قومي معاها ع الحمام خليها تنشف هدومها اخلصي قومي بلاش لكاعة انا هقعد هنا مستنيكم
كورت بسمة شفتيها تدعي ڠضبها منه ثم تنهض مضطرة لتنفيذ رغبته وما ان تحركت خطوتين مع ليلى التي كانت تناظرها بتشفى حتى وجدته يوقفها
استني عندك خدوا حاجتكم معاكم عشان انا هطلع مشوار دقيقة بس وراجع لكم .
رايح فين
خرجت من ليلى بدون تفكير لتثير ابتسامة خفيفة على ثغره قبل ان يجيبها برقة مهلكة
خمس دقايق بالكتير ومش هتأخر ياريت تفضلوا في حمام السيدات تستنوني على ما ابعت لكم او اتصل بالزفتة دي.
لم تتأثر بسمة بالشتيمة بل غمرها احساس بالفرح تبتسم داخلها بفخر وقد وصلها ما ينوي عليه شقيقها مستبشرة بفعله خيرا تردد بحديث نفسها داخله
يا ألله انه بالفعل يستحق فتاة ببرائة ليلى رغم حمقها وغباءها معظم الأوقات
.... يتبع
الفصل التاسع
داخل المرحاض النسائي وقد تبللت نصف بلوزتها في الأعلى بعد محاولات يائسة في إصلاح البقعة الكبيرة التي تسبب فيها العصير حتى اصبح الأمر مزريا.
هتفت ليلى بيأس وقد نال منها الإحباط بشدة
يا نهار اسود عليا وعلى سنيني مكان البقعة بتزيد مس بنتقص اعمل ايه أكتر من كدة عشان تتنيل تتصلح
لم تجيبها الأخرى بل اكتفت بنظرة عادية نحوها ثم عادت لهاتفها الذي كانت مشغولة بالتصوير به امام المراة بفعل تفعله كثيرا من فتيات هذا العصر.
لم يعجبها ليلى التجاهل لتنتفض فجأة وتباغتها بضړبة قوية على ذراعها صاړخة بسخط
ما تبطلي تناحتك دي وبيصي للوقعة المهببة اللي انا فيها إنتي إيه معندكيش ډم.
تفاجأت بفعلها لترد مقارعة لها
انا برضوا اللي معنديش ډم ولا انتي اللي هبلة وخيبة تقيلة عايزاني اعملك إيه بعد ما بوظتي كل حاجة ودلقتي العصير عليكي انا إيه ذنبي بذمتك عشان اتحمل بهدلتلك دي ليا كان لازم يعني تتلبخي وتشرقي في الوقت اللي ممدوح داخل فيه
سمعت منها لټنفجر فجأة بالبكاء بصوت عالي لفت ان١ظار باقي الرواد من النساء معهن في نفس المكان.
خجلت بسمة لتربت عليها وټحتضنها مهونة بالكلمات
ېخرب بيتك فرجتي علينا الناس ايه يا ليلى الموضوع مش مستاهل يعني
مش مستاهل ازاي
صدرت من بين بكاءها
لتتابع معبرة عما يجيش بصدرها
دا أهم ميعاد في حياتي من امبارح عمال اجهز وانقي في احلى حاجة عندي عشان ابقى قدامه جميلة يمكن امحي من مخيلته صورتي القديمة لما كنت هبلة مدعوكة في الدورس والمذاكرة مكنتش اتخيل ابدا ان الميعاد اللي بتستناه اي بنت يتقلب لکاړثة معايا ومن اولها دا انا حتى ملحقتش اقعد ولا اخد فرصتي معاه ولا حتى هو لحق يشوفني كويس.
أكملت ببكاءها لتتلقى المؤازرة من بسمة التي زادت من التشديد عليها بضمھا وابتسامة اعتلت على ملامحها لتخاطبها بحنو
والله انتي عبيطة ومتخلفة يا بنتي دا انتي عجباه من زمان والله حتى وانتي مدهولة زي ما بتقولي اللي بيحب بيشوف حبيبه على اي حال بصورة حلوة وانتي والله قمر وهو عارف كدة كويس.
نزعت نفسها عنها لتسألها بتشكك
عارف ايه ما تحاوليش تضحكي عليا انا عارفة كويس هو دلوقتي شايفني ايه وانا عاملة زي عملتها على نفسها.
بعظم استيعاب رددت بسمة من خلفها لتنطلق بموجة صاخبة من الضحك
عملتي إيه
اغتاظت ليلى من ضحكها المتواصل دون التأثر بحالتها ولا تقدير الموقف المخزي الذي وضعت به لتفرغ كبتها بتسديد الضربات بقبضتها عليها مرددة
اقفلي بوقك ده وخلي عندك ډم يا حيوانة يا حيوانة
وعلى عكس المتوقع كانت بسمة مستمرة دون توقف رغم تألمها من هذه الضربات التي تتلقاها من تلك الحانفة المتذمرة الساخطة حتى اوقفها صوت الهاتف يجبرها للتوقف رافعة كف يدها امام تحاكيها بلهاث
ممدوح بيرن دقيقة بس هشوفه وبعدين نكمل ممكن دقيقة
مع ذكر اسمه اضطرت ليلى مستجيبة لرغبتها وابتعدت تتركها تجيب الاتصال والذي تم بجملة مقتضبة وغير مفهومة
ماشي ثواني خارجالك اهو.
قالتها وتحركت مغادرة من المرحاض تتركها في تخبطها وحيرتها عدة لحظات حتى أتت عائدة تحمل بيدها كيس بلاستيكي باسم محل قريب لتخرج منه كنزة رائعة لترفعها أمام وجهها تسألها
ها يا قمري ايه رأيك
زوت ما بيم حاجبيها لتسألها بعدم فهم
رأيي في ايه ودي بتاعة مين اساسا
بدا على وجه بسمة
هي ايه اللي بتاعة مين وانا رافعاها قدامك ليه اساسا يا بت انتي عبيطة ما تفهمي لوحدك الحتة القمر دي جايبهالك ممدوح مخصوص عشان تغيري اللي نصها اتبل دي وبقت لازقة على جسمك فهمتي بقى
توقفت ليلى عن التفكير لتظل لفترة من الوقت تتطلع لها والكنزة التي تمسك بها بازبهلال تام لا تستوعب ماتراه أمامها وما وتفوهت به بسمة حقيقة ام درب من الخيال هذه عطية من ممدوح ذهب ليبتاع لها كنزة كي ترتديها......
على خاطرها الاخير استفاقت ترفع رأسها لها باعتراض قوي
لأ يا بسمة انا لا يمكن هقبل بحاجة زي دي هو اخوكي فاكرني شحاتة...... اه.
صدر التأوه الاخير بعدما هجمت عليها بسمة لتردد لها بقبضة قوية على ذراعها مسددة خلفها عدد من آخر وكأنها تاخذ دورها هي الأخرى لتخاطبها بحنق
انتي متخلفة يا بنت انتي هو مين اصلا اللي قال ان انك شحاتة ولا الهبل بتاعك دي اخويا باصص على منظرك يعني تطلعي بالبلوزة المبقعة بعد المية ما زادت على بهدلتها ولا تغيري بحاجة نضيفة وناشفة ما تردي يا بت .
اااه .
صړخت هذه المرة لتوقفها لافتة انظار النساء الاتي توقفت عن أي شيء إلا عن متابعتهم ليخرج صوت احداهن باحتجاج
ما كفاية بقى وخلصونا هتلبسي البلوزة يا بنتي ولا تخرجي بالهلهلوة اللي لابساها خلصونا بقى.
هلهولة! انا لابسة هلهولة انتي قد الكلام ده يا ست انتي
هتفت بها تتقدم نحو المرأة بتحفز قبل ان توقفها بسمة مقيدة حركتها بذراعيها لتهمس لها بجوار اذنها
وحياة اغلى ما عندك يا شيخة لتريحي قلبي بقى بلاش العند اللي من غير فايدة ده ما ترسي على حيلك بقى .
وبتتهميني كمان بالعند !
قالتها ليلى لتتابع برفض قاطع
طب عشان تعرفي أنا مش هنفذ غير اللي في دماغي ومش خارجة غير بالهلهولة ها ايه رأيك بقى
بعد قليل
وقد انتظر لفترة من الوقت مرت عليه كالدهر من وقت ان سلم شقيقته الكنزة الرقيقة ذات اللون الليموني المنعش والتي انتقاها على عجالة فور ان دلف محل الملابس النسائية القريب من هنا من أجل ان ينقذ الموقف حتى لا يرى حزنها وقد لامس التوتر الذي بدا جليا على ملامحها الشفافة فور ان أتى ليصدم بهيئتها المحرجة يتمنى من الله ان تكن على مقاسها والا يزيد الأمر سوءا بفعله.
كانت هذه مجموعة من الأفكار التي تدور برأسه قبل ان ينتبه على حضورها تقترب بجوار شقيقته مرتدية الكنزة التي ابتاعها وقد لاقت عليها لينعكس اللون الرائع على بشرتها يضيف عليها مزيدا من النضارة والشعر الأصفر المموج زادها سحرا لتبدوا كجنية صغيرة تسلب العقول بروعتها.
اقتربت وقد تخضب وجهها بحمرة قانية تخجل ان تقابل
عينيها خاصتيه لتقدمها امامه بسمة قائلة بتفكه
حقك تديني جايزة يا عم ممدوح على تعبي معاها بعد ما اقنعتها بالعافية تلبسها بدل البلوزة اللي اتبلت من العصير.
لم يستجيب لمزاح شقيقته بل ظلت انظاره مسطلة عليها حتى خرج صوتها بصعوبة أمامه
انا اسفة يا استاذ ممدوح اني كلفتك بس اكيد هرد تمنها ان شاءالله
عقبت بسمة ضاربة كف بالاخر مرددة باستهجان
ېخرب عقلك دا برضو كلام
اضاف هو الاخر بصوته الرزين عاتبا لها
عندها حق بصراحة طب انني ترضهالي يا ليلى لو شايفاني انسان ناقص يبقى عادي خالص هقبل منك .
سارعت بالنفي مصححة
لا والله ما قصدي كدة بل العكس......
توقفت لتتابع بمزيد من الحياء مسبلة اهدابها عنه بخفر
انت انسان محترم جدا وتستاهل كل خير.
ارتخت ملامحه ليخاطبها بلهجة عزبة
طب يا ستي الله يعزك ممكن بقى تقعدي شكلنا واحنا واقفين كدة لافت النظر ناحيتنا ولا ايه
من غير ايه هنقعد طبعا.
تفوهت بها بسمة بالنيابة عنها قبل ان تسحبها لتجلسها على المقعد المقابل له ثم جلست هي بجوارها لتردف بمرح
لا بقى اطلب لينا حاجة حلوة بس بلاش عصير وحياتك احنا مش ناقصين مأساة تانية.
اغتاظت ليلى لتلكزها بمرفقها ليخرج صوت بسمة باعتراض
ما كفاية يا بت بقى انا تعبت من كتر الضړب هو انتي واخداني مقاولة النهاردة
برقت ليلى عينيها ضاغطة على شفتيها لها بټهديد صريح حتى تتوقف فهذه الملعۏنة لا تترد في إحراجها
اثار فعلها المرح بقلبه ليضحك ملئ فاهه قبل يردد لشقيقته بتشفي
احسن خليها تطلع عليكي القديم والجديد انتي اساسا تستاهلي.
قالها لتبادله ليلى ابتسامة مضطربة على استيحاء اسعدته لتستند بسمة بمرفقها على سطح الطاولة مغمغمة بصوت ضعيف لا يصل اليهم
الله والله وجه اليوم عليكي يا بسمة اللي تاخدي فيه دور المتفرج انتي كمان
في منزل عزيز
و قد كان يتناول الطعام بوجبة الغداء بصحبة والدته التي لم تتوقف عن اهدائه ابتساماتها الصفراء وعقلها يدور بلا هوادة في عدة أنحاء وتفكير مستمر في أمر الفتاة المجهولة وهذا الإصرار العجيب من ابنائها الاثنان في عدم اخبارها باسمها
الحمد لله تسلم ايدك يا ست الكل الأكل تحفة ما شاء الله نفسك لا يعلى عليه.
قالها عزيز بمجاملة اعتاد عليها لها فتلقفت هي قوله لتوجهه ناحية الجهة التي تريدها
يسلم قلبك وعنيك يا حبيبي بكرة لما تيجي بنت الحلال هتنسيك اكل مامتك والدنيا كلها.
نهض عن مقعده مرددا لها بتقليل
لا طبعا ازاي الكلام. مفيش واحدة في الدنيا تغنيني عنك ولا عن أكلك.
اوففته منار فور أن تحرك بخطوتين قبل أن بتعد عنها
بس انا شايفة ان احنا مقصرين اليومين دول في الموضوع ده يا عزيز.
التف اليها سائلا بعدم تركيز
موضوع ايه يا ماما اللي احنا مقصرين فيه
نهضت تقابله في وقفته لتجيبه بلوم
هو انت لحقت تنسى يا عزيز انا قصدي على موضوع الجواز يا حبيبي اوعي تقولي ان دماغك مشغولة بواحدة لافة عقلك ازعلك منك .
قالتها بټهديد وتوعد جعله يستدرك جديتها والدته لا تردف بنصف كلمة هباءا هي ترمي كلماتها جيدا لذا فما كان منه الا أن يسارع بالنفي
لا طبعا يا ست الكل دا انتي بنفسك داخلة على حسابي وحاذفة على كيفك انا من بعدها صاغ سليم مفيش صنف انثى أثرت فيا .
تبسمت تدعي انها تصدقه لتردف بعدها
شطور يا حبيب مامي بس كدة بقى لازم تشد حيلك تدور معايا على بنت الحلال ما هو مش معقول يعني مصادفتش أي واحدة وعجبتك لكن طبعا لازم تبقى بنت أصول يا عزيز.
تابعت تشدد على كلماتها بقصد
الجمال شيء مفروغ منه لكن انا الأهم عندي هي انها تبقى محترمة ومؤدبة..... عنيها مبترفعش عن الأرض زي مواصفات رانيا كدة اكيد طبعا انت ملحقتش تنسى البنت.
تقلصت ملامحه باحتقان وسخط يجيبها
وافتكرها ليه يا ست الكل هي اللي خلقها مخلقش غيرها دا انا حتى كنت راضي بيها عشان خاطرك وبس رغم اني مكنتش فاهم شخصيتها ولا عارف هتوافق شخصيتي ولا لأ لكن برضوا اللي جاي أحلى عن اذنك بقى.
قالها ليحرك اقدامه ذاهبا من أمامها دون انتظار بعد أن استفزه حديثها يعلم انها تفتعل كل هذا الأمر بقصد ولكنه لن يستلم لإلحاحها وهذا الحصار الذي تفرضه عليه يراعي جيدا رضائها ولكنه ايضا لن يتخلى عن حريته مهما كان الأمر.
دلف لغرفته متوجها نحو الكمود ليستل الهاتف بعد ان نزع عنه الشاحن الكهربائي ليضغط الرقم الذي أتى برإسه على الفور!
عودة الى جلسة الفتيات وممدوح الذي لم يتوقف عن الحديث مع ليلى في شتى الموضوعات وهي تستمع اليه دون كلل او ملل أمام انظار شقيقته والتي كانت تطالعه بتعجب نظرا لمعرفتها الأصيلة برازانته وكلماته القليلة مع الغرباء لكن يبدوا ان صديقتها
لم تكن أبدا من الغراباء وقد كان هو في انتظار الفرصة فقط وها هي اتت اليه
عارفة يا ليلى وانا في سنكم كدة مكنتش برسى على حيلي في اي مكان معظم الانشطة في الجامعة كننت بحضرها ندوات مسرح رحلات استكشافية بس دي على فكرة انا لسة موقفاش عنها بل ولسة مستمر فيها حتى اسألي البت العبيطة دي ما بصدق اخد اجازة من الشغل واروح شايل شنطنتي ومسافر في أي حتة جوا مصر او براها في اي دولة حتى لو في أدغال افريقيا مبفرقش.
سمعت بسمة لتضيف بلهفة نحو صديقتها
ايوة صح يا بت يا ليلى دا انا عندي صور من اخر رحلة راحها لقبيلة غريبة كدة في تنزانيا استني هخليكي تشوفي .
قالتها لترفع شاشة الهاتف امام التي كانت تشاهد بذهول الصور العديدة له مع أصناف من البشر بأزياء غريبة تقارب البدائية فخرج صوتها على الفور بتساؤل
يا نهار ابيض طب انت ما بتخفش انا اسمع ان في جماعات منهم بياكلوا لحمة البشر هو الكلام ده بجد
ضحك يجيبها بتباسط
هما فعلا فيهم قبائل لسة عندهم العادات دي وقبائل تانية عندهم تقاليد اغرب بس انا طبعا مش بنزل على اي حاجة وخلاص انا بنزل على اماكن محددة وعارف بطبايعهم العمر مش بعزقة.
اومأت له بهز رأسها لتضيف إلى قائمتها مزيدا من الصفات الرائعة عنه يبدوا انه لن يكف عن ابهارها.
تابعت بسمة بفخر لتريها المزيد من الصور حتى تفاجأتا الاثنتان بالاتصال الوارد.
رفعت ليلى رأسها لها تبصرها بانشداه لم يقل عن الأخرى التي ابتلعت ريقها بحرج يتبادلن النظرات المتسائلة في صمت حتى حسمت بسمة قبل ان ينتقل الشك لشقيقها لتنهض سريعا باستئذان
طب انا قايمة ارد ع التلفون اللي بيرن ده.
أومأ لها شقيقها وليلى التي انتابها الخجل من الانفراد معه لتردف لها قبل أن تبتعد
ما تتأخريش يا بسمة انا عايز اللحق اروح اساسا.
أومأت لها على عجالة بالموافقة ليعقب هو في أثرها
مټخافيش يا ليلى ولا انتي هتتكسفي من قعدتك معايا .
صراحة اه.
تمتمت بها داخلها قبل ان يخرج صوتها اليه
لا ازاي انا بس براعي اوي حكاية المواعيد في الخروج محبش ماما تزعل مني لو اتأخرت.
لا ان شاء الله مفيش تأخير
قصد أن يطمئنها بجملته وعينيه تزاد إعجابا بها حتى فاجئها بقوله
ليلى هو انا ممكن اكلمك ع الشات وابعتلك صور الرحلات الغريبة اللي قومت بيها أو اشرحلك عن ظروف البلاد اللي روحتها
انت لسة هتستأذن
صدر الصوت المتلهف داخلها قبل تظهر رد فعلها بأن أومأت له موافقة بهز رأسها ليشرق وجهه بابتسامة رأئعة اضاءت العالم من حولها
والى بسمة التي توقفت في ركن بعيد خلف لوح زجاجي يظهر معظم المطعم بالطاولات والبشر التي تملأه من عمال به أو رواد.
لتجيب على اتصاله بادعاء عدم معرفته.
الوو السلام عليكم مين معايا
وعليكم السلام ورحمة الله وبركاته انتي معرفتنيش يا بسمة
استمرت على موقفها لتردف بحدة
حضرتك هتقول مين ولا اقفل واعمل حظر على طول
وصلها صوت ضحكته الرنانة ليردد بمرح
انا عزيز يا مچنونة معقول معرفتيش صوتي في ايه يا بنتي
اخفت ابتسامتها لتجيبه بأسف مصطنع
أنا اسفة يا عزيز مكدبش عليك صراحة انا شكيت في صوتك بس برضوا خۏفت ليكون واحد غريب بيعاكس معلش بقى ما هي دي كمان اول مرة تتصل بيا.
وكأنها كانت ترى ضحكته رد بمزاج رائق
ومش هتبقى آخر مرة ان شاء الله انتي عاملة ايه بقى
غمرها ابتهاج غير عادي لتنقل بنظرها نحو شقيقها وليلى التي بدأت تندمج معه بالإضافة لسماع صوته بهذا الاتصال المفاجئ منه أن يكن هو المبادر بالسؤال عنها جعل شيء من ارتياح نسبي يتسلل اليها يخبرها بقرب نجاح خطتهما لتجيبه بكل صدق
الحمد لله انا كويسة كويسة اوي انت بقى جيبت نمرتي منين
..... يتبع
الفصل العاشر
بطاولة ضمتهما وحدهما هي وابنتها بعيدا عن كل معارفها في النادي العريق من سيدات اصدقائها أو اشخاص تربطها بهم علاقة قرابة أو عشرة قديمة في هذا المكان المعروف والمميز لمزاولة كافة الأنشطة الاجتماعية والرياضية لها ولأبنائها
ولكن هذه المرة كانت على صفيح ساخن كبركان خامل تسير حممه ببطء شديد في انتظار الإذن لانفجاره حتى ېحرق الأخضر واليابس
لقد فقدت سيطرتها على ابناءها ليلى التي كانت كقطعة قماش بيضاء شفافة ترى كل ما بداخلها أصبحت الان غامضة تهاودها ولا ترفض لها طلبا سوى المطلب الذي تتمناه من قلبها وهو الزواج من ابن خالتها سامح من يليق بها حقا ولكن الغبية رأسها المتيبس لا يلين ابدا.
عزيز واه من عزيز ابنها المفضل والذي اصبح ېكذب عليها طوال الوقت في كل مرة اقتربت منه لتعرف سر هذا التغير بشخصيته يدخلها في حوارات ودوائر عجيبة تنسيها الغرض الأساسي من نقاشها معه وهي الاعلم
بهذا الأسلوب حينما يتبعه معها لا يصدر إلا حينما يكن خافيا شيئا
خاطبتها ريهام وهي تتناول من طبق المثلجات خاصتها
يا ماما خفي حړق في دمك شوية اشربي حتى العصير اللي قدامك يمكن يهديكي الموضوع مش مستاهل اوي يعني
زاد اشتعال عينيها ترمقها پغضب مرددة
هو ايه اللي مش مستاهل يعني بعد كل اللي حكتهولك ده ولسة برضوا يا ريهام الكلام مش داخل دماغك بقولك الاتنين متغيرين وفي نفس الوقت طول الوقت مبسوطين الواحد فيهم يا اما برا في مشوار يا اما في الأوضة بتاعته وقافل عليه عزيز اللي كان طول الوقت بابه مفتوح حتى لو بيكلم بنات دلوقتي بيفقل اوضته قدامي ولا اختك اللي بقت زي العجينة في ايدي ما ترفضليش اي طلب غير الطلب اياه
عادت ريهام لخلق تبربرات لهما فما زالت غير مقتنعة لوجود المشكلة من الأساس
عادي يا ماما لما عزيز يعمل خصوصية لنفسه ما هو يمكن بيتفرج مثلا على حاجة كدة ولا كدة برضوا هو شاب والحاجات دي عادي بالنسبة للشباب انا اسفة يعني وان كان على ليلى فدي طاقة ومچنونة اصلا تلاقيها بتتبع معاك الأسلوب الجديد ده عشان تاخد رضاكي ومتغصبيش عليها في موضوع سامح ما هي كمان مش طايقاه.
عنها ما طاقت نفسها.
تفوهت بها بحدة لتتابع بتصميم
دي مقصوفة رقبة ومش عارفة مصلحتها فين اسيبها انا بقى تخيب نفسها ولا تخسر فرصة زي سامح بس انا برضوا احساسي بيقول ان الحكاية فيها إن في لعب بيحصل من ورايا
اخوكي يا ريهام ميعرفش كسوف ولا خصوصية دا ابني وانا عارفاه. لازم اعرف سر التغير اللي حاصل معاهم.
سألتها باهتمام شديد
ودا هتعرفيه ازاي ما تفهميني يا ماما انتي ايه في دماغك
طالعتها قليلا بغموض قبل ان ترتفع بعينيها تبصر ما خلفها قائلة
اهو جه اللي مستنياه
الټفت رأس ريهام تتسائل نحو ما تقصد
هو مين يا ماما اللي جه........
لم ترد منار فقد وصل الجواب لابنتها فور رؤيتها لابن خالتها وهو يتقدم نحوهن لتردف متسفسرة بفضول
سامح دا اللي جاي علينا انتي عايزة سامح في ايه يا ماما
اشتدت ملامحها وعينيها ومضت بنظرة غامضة تجيبها
دلوقتي تعرفي.
في داخل السيارة وقد كانت تستقلها اليوم بجواره في الأمام بعد ان اتي اليها إلى الجامعة ليقلها بعد انتهاء محاضراتها.
صامتة بابتسامة تعلو قسماتها تستمتع بفرض دلالها عليه بعد ان تخطت معه عدة مراحل لتطور علاقته به حتى قاربت التعلق هذا ما يصلها الان تخشى ان تتطرف بأحلامها لتظنه عشقا وبعدها ينقلب السحر على الساحر ويجفلها بفعل غير متوقع
على الرغم من كل ما يقدمه لها من بوادر طيبة ولكن ما الغريب في الأمر فهو شخصية جذابة له خبرة جيدة في التعامل مع الأنثى وفهم وأغوارها بالإضافة لذكاء فطري ووسامة توقع اجمل النساء في شباكه تبا انه بالفعل رائع .
ها يا بسمة وافقتي ع اللي بقوله ولا ليكي رأي تاني
ها .
تفوهت بها بعدم تركيز قبل أن تستدرك سائلة بتفسير
معلش يا عزيز ممكن تكرر كلامك تاني.
التف لها يشاكسها بابتسامة رائعة
الله بقى دا الحلوة كانت سرحانة وانا اللي بقالي ساعة برغي اكتشف دلوقتي اني كنت بكلم نفسي.
ضحكت بشقاوة لطالما أثارت انبهاره ويدها تتلاعب بخصلة من شعرها ترد على قوله بغنج
يعني مش لدرجة انك تكلم نفسك بس هو شوية عدم تركيز مني أصلي راجعة من محاضرتين مرهقين لاتنين دكاترة ارخم من بعض.
ظلت عينيه لعدد ليس هين من الوقت تتنقل من النظر اليها والى الطريق الذي يقطعه بسيارته قاصدا يربكها بسحره وهي بالفعل كذلك ولكنها أصبحت تجيد التمثيل كي تظهر عدم الاكتراث او مبادلته النظرة بتحدي كما كان يحدث الان حتى أجفلته بقولها
خلي بالك من الطريق يا بشمهمندس ولا انت عايز تعمل حاډثة.
كان رده ابتسامة متكاسلة قبل أن يضغط على مكابح السيارة ثم يتوقف بها فجأة على جانب الطريق حتى خاطبته سائلة بدهشة
وقفت العربية ليه يا مچنون وفي نص الطريق كمان.
تجاهل تذمرها ليلتف إليها قائلا بقصد
طب اعملك ايه يعني ما انا لازم اخد انتباهك لتسرحي مني مرة تانية وانا بصراحة معنديش حيل لتكرار.
زاد اتساع ابتسامتها لټضرب كفا بالاخر مدمدة
عليا النعمة انت فيك ربع ضارب طب سمعنا يا عم كلمتينك دول بسرعة قبل ما نتأخد مخالفة محدش ضامن.
اعتدل بجذعه حتى اصبح مقابلا لها مستندا بذراعه على عجلة القيادة يخاطبها بجدية
انا عايز منك ميعاد مظبوط نخرج فيه سوا مع بعض يا بسمة امور التهرب والحجج اللي بتعمليها دي في كل مرة متخيلش عليا.
طب وعايزني اخرج معاك ليه ما احنا بنتكلم في الشات بالساعات دا غير انك بتيجي بقالك كام يوم تاخذني بالعربية من قدام
الكلية عشان توصلني وانا مبعترضش عايز ايه تاني.
يعني انتي بتسمي كلام الشات وتوصيلك من الجامعة لحد البيت خروجة في ايه يا بسمة ما بلاش تحوري بقى انتي فاهمة انا قصدي ايه
قصدك ايه
التقطتها منه لتضغط عليها تريد ان تسحب منه المزيد حتى يطمئنها بحقيقة مشاعره نحوها ولكنه وكعادته فضل الرد بمرواغة
قصدي انك تحترمي عقلي شوية انا مش عيل صغير يضحك عليه بكلمتين انا عايز نتعرف على بعض اكتر في جو جميل نقضي وقت لطيف ولا انتي ايه رأيك
لملمت ابتسامة ملحة داخلها فهذا الأمر كانت تتوقعه من البداية ولطالما تهربت منه بالفعل ولكن الان امام تصميمه لابد لها من حل سريع ظلت لعدد من اللحظات تطالعه صامتة بتفكير وهو يشبع انظاره بالتطلع إليها فهي بالفعل جميلة بالإضافة لذكاء حاد علمه من واقع الفترة القصيرة التي عرفها بها لقد خبر اعداد كثيرة من النساء لا يستطيع أن يحصي أعدادهن ولكنها هي بها شيء مميز شيء مختلف عن الجميع لم يحدده حتى الان ولكن هذا الشيء يجعله ينتظر لقاءها على احر من الجمر يتحدث معها بالساعات عبر وسائل التواصل الاتصال العنكبوتية ولا يمل
انت كمان سرحت
قالتها ترد مشاكسته مرددة نفس كلماته
لا يا عم انا مينفش ارغي بالساعة معاك وفي الآخر اكتشف اني كنت بكلم نفسي.... انا بقول اقوم احسن .
يا سلام.
تفوه بها لينطلق ضاحكا وهي تشاركه حتى توقف متابعا
انتي مش ساهلة ابدا يا بسمة برضوا بتلفي وتتهربي.
ردت بدفاعية
لا والنعمة ما بهرب بس انا يعني شايفة حكاية الخروج والفسح دي أمر مش هين ان اتخذ قراري فيه كدة عادي اول ما تكلمني.
توقفت برهة ثم تابعت
انت راجل يا عزيز وقرارك تاخده في ثانية حتى لو خرجت مع مية بنت لكن انا لأ لازم افكر مية مرة قبل ما اخرج معاك حتى لو مرتحالك او واثقة في رجولتك لكن برضوا.... مش عايزة ادخل مكان وبعدها اكره لو لا قدر الله بقى ليا فيه ذكرى سيئة.
مرر بأطراف اصابعه على طرف ذقنه يستوعب كلماتها انها فعلا تثير اهتمامه لها أراء اكبر من سنوات عمرها بمراحل لا يدري كيف لهذه العقلية ان تندمج مع شقيقته ليلى والتي لم تتخطى بعد مرحلة افلام الكرتون وديزني.
طب وانتي اش عرفك انها تبقى وحشة مش يمكن تبقى لطيفة ولذيذة.
قالها بتساؤل وكان ردها
انت فاهم قصدي كويس يا عزيز يعني مفيش داعي اشرح اكتر من كدة.........
بس انتي عجباني يا بسمة.........
اجفلها مقاطعا ليميل بجسده نحوها وذراعه استندت على التبلوه أمامها لتشعر وكأنها محاصرة بالإضافة لحضورها الطاغي والمهلك ومع ذلك لم يكن مخيفا فقد كان سامحا لها بمسافة جيدة تعطيها الامان كي تنتبه لقوله
عجباني اوي وانت عارفة كدة زي ما انا شايف في عيونك الإعجاب ناحيتي كويس اوي حتى وانتي مقلقة من وضعنا دلوقتى انا مش قاصد ارعبك
تمام اوي ان انت وضحت بس انا برضوا مينفعش اغير رأيي حتى مع كل مبرارتك.
لاحت لمحة خفيفية من احباط اعتلى ملامحه اخفاه سريعا ليطالعها بجمود ادعت تغافلها عنه لتردف متابعة
ع العموم يا سيدي انا عندي حل وسط ممكن يرضيك ويرضيني انت عايز مكان جميل نقعد فيه وانا بخضر
لمفاجأة عايزاك تساعدني فيها
طالعها باستفسار يشوبه التوجس لتستطرد موضحة له
عيد ميلاد ليلى بعد كان يوم ف انا عايزاك تساعدني في المفاجأة اللي بحضرهالها عايزاه يبقى عيد مميز السنادي.
ردد خلفها باستنكار
انتي بتهزري صح عايزاني اوافق على عرضك المذهل دا بقى وافرح انك هتحنى وتقابليني بس في وجود المحرم اللي هي اختي لا وفي مناسبة عيد ميلادها كمان طب ما بدل التعب والتخطيط ما تجبيلها هدية وخلاص تديهالها في الحفلة اللي بتعملها ماما كل سنة.
ردت بابتسامة مستترة تبرر
يا عزيز ما انا قولتك ان عايزاه يبقى مميز ثم انا كمان مش هعمله في نفس اليوم لا احنا هنبقى سابقين بيوم عشان نقعد براحتنا من غير تطفل اي حد انت مش عايز تقضي وقت جميل اظن ان دا مفيش أجمل منه ها ايه رأيك
ضغط على نواجزه بحنق فعرضها لم يكن سيئا بالكامل ان تكون معه بموعد وحدهما حتى لو كانت الحجة شقيقته وموعد ميلادها لكن لا بأس..
ودا عايزة تعمليه فين ان شاء الله
في بيتنا
بتقولي فين
سألها وقد ازداد غرابة لكنها بررت على الفور
ليلى مش هتستغرب لما اسحبها معايا على بيتنا دا غير اني هجهز كل حاجة براحتي وهي بقى هتفرح اوي لما تعرف ان انت كنت معايا في التحضير بمفاجأتها.
تفهم وجهة نظرها ليخبرها اخيرا بموافقته هللت هي بسعادة تردف له تفاصيل ما سيقومون به وهو لم ينتبه لحرف واحد. فعقله كان يفكر من الان
في وسيلة لتسريب ليلى بعد ان يفرحها بحفلها وهديتها ثم ينفرد بهذه الشقية التي تلاعبه ومع ذلك لا يغضب منها بل الأعجب هو انه يروقه اللعب معها
وعودة الى جلسة النادي
ورد سامح عن الذي اخبرته به خالته حتى اثار استهجان ابنتها
نعم يا خالتو يعني انتي عايزاني اراقب عزيز طب تيجي ازاي دي
تدخلت ريهام هي الأخرى
ايوة يا ماما طبعا دا مينفعش.
جاء رد منار نحو الاثنان بقوة
انتي كمان هتقولي مراقبة يا غبية انتي ما تفهموا بقى انتوا الاتنين ايه اللي انا بطلبه منه مش محتاج مراقبة دا محتاج زكاءك يا سامح يعني لو ممكن تعرف اصحابه بيسهروا فين وهو بيسهر معاهم ولا لأ الخروجات الكتيرة اللي بيخرجها معاهم نفسهم ولا غير ولقى ناس تانية فهمت يا ناصح
سبقته ابنتها بلهجة معترضة
ودا فرق عن المراقبة ايه ما هو كله واحد يا ماما.
عنفتها منار بنظرة محذرة
اخرصي انتي يا ريهام بدل ما تخليني اندم اني جيبتك معايا.
اذعنت مضطرة لصب ڠضبها في تناول كأس المثلجات تبتلع رفضها عن فعل والدتها مجبرة لإطاعة امرها اما سامح فقد بدا انه فهم مقصدها وبدأ يستجيب لها
يعني من الاخر كدة يا خالتو انتي عايزة تجمعي معلومات عن عزيز.
ايييييوة يا حبيب يا خالتو ياريت بقى تبقي شطور كدة وتجيبلي المفيد في اقرب فرصة.
اومأ رأسه بموافقة فتابعت بطلبها الأخر
ليلى يا سامح.
مالها ليلى كمان يا خالتو
رفعت ريهام هي الأخرى رأسها تطالعها بتساؤل جاوبت عنه والدتها بذكائها
عايزاك تاخد بالك منها يا حبيبي اليومين دول ولا انت خلاص نسيت طلبك
تهللت اسارير الاخر ليجيبها بلهفة
ازاي بس يا خالتو دي حلمي من وهي في اللفة انا بس قولت ابعد شوية دلوقتي على ما خلصت الشهور الاخيرة في دراستها عشان يبقى الكلام جد بقى.
تبسمت برضا تلقي نظرات تحدي نحو ابنتها التي لم يعجبها الأمر ثم ما لبثت ان تفاجئها بالطلب الأخير لسامح .
طب حاجة اخيرة بقى وياريت تخدمني فيها دي كمان يا قلبي
أؤمري يا خالتو
قربت رأسها منه تقول بصوت خفيض
قرب أكتر عشان افهمك كويس.
أما عن ليلى
فقد كانت في هذا الوقت غافلة عن كل شيء تسحبها غيمية وردية تسير بها في مدن الخيال وهذه البلاد التي أصبحت تتوق لزيارتها تلك التي ذهب اليها في رحلات استكشافه التي لا تنتهي تتمنى ان يأتي هذا اليوم لتشاركه شغفه بعد ان أصبح شغفها هي الأخرى وهو يقص عليها يوميا قصص مغامراته بها ثم التطرق لأحاديث في مواضيع شتى تزيد من تقاربهم وتساهم في فهم شخصيات بعضهم البعض
كما يحدث الان
ليلى انا عمري ما كلمت قبلك أي واحدة في التليفون
ولا انا والله عمري ما اتجرأت ورديت على أي واحد مهما حصل .
بس انا الموضوع عندي ملوش دعوة بالجرأة يا ليلى انا اقدر اتكلم واعمل زي باقي الشباب دا لو عايز بس انا عمر ي ما عوزت ولو كان عندي الشغف اكلم أي واحدة غيرك انتي يا ليلى.
تبسمت وقلبها يتراقص فرحا لطلب المزيد رغم خجلها
معقول
الجميلات في كل حتى يا ليلى والعين ياما بتشوف بس احنا فينا حاجة ملناش سلطة عليها يعني حتى لو الواحد حواليه ملكات الجمال من كل ناحيه يوم ما هيجي يختار القلب هو اللي هيشاور على اللي عايزها مش العين.
قلب!
ايوة قلب يا ليلى مش بقولك هو اللي بيختار.
...... يتبع
الفصل الحادي عشر
بوجه مشرق خرج من المنزل وعينيه منصبة على شقيقته التي كانت تضع اللمسات الأخيرة على الركن الجانبي
متابعة القراءة
